main agar khush hun toh ruuh mein wehshat kyun hai ?
muskuraun phir bhi honton pe kulfat kaun hai ?
apni ulfat ki toh dete hain gawahi mah-o-mehar
phir bataye koi hum donon mein furqat kyun hai ?
justju jiski thi vo humdam mil hi gaya mujhe
zindgi tujhko magar shaunq-e-musafat kyun hai ?
vo hai pehlu mein magar dil hai bohat afsurda
usske hote huye auron ki zaroorat kyun hai ?
jab sabhi log kisi na kisi rishte se hain wabasta
zindgi tu hi bata tujh mein ye khilawat kyun hai ?
dil jab dam bharta hai har ek shaks se chahat ka
phir na jaane mujhe logon se ye adawat kyun hai ?
raat bhar sunaya haal-e-majruuh apna
dil mein ab bhi ik jigar doz hikayat kyun hai ?
No comments:
Post a Comment