safar mein dhuup toh hogi jo chal sako toh chalo
sabhi hain bheed mein tum bhi nikal sako toh chalo
idhar udhar kai manzil hain chal sako toh chalo
bane banaaye hain saanche jo dhal sako toh chalo
kisi ke vasate raahen kahaan badalati hain
tum apne aap ko Khud hi badal sako toh chalo
yahan kisi ko koi rasta nahin deta mujhe
gira ke agar tum sambhal sako toh chalo
yahi hai zindagi kuchh Khwab chand ummeden
innhi khilono se tum bhi behal sako toh chalo
har ik safar ko hai mahafuus raaston ki talaash
hifaazaton ki rivaayat badal sako toh chalo
kahin nahin koi suraj, dhuaan dhuaan hai fiza
Khud apane aap se bahar nikal sako toh chalo
No comments:
Post a Comment