dil ke ujale kagaz par hum kaise geet likhen
bolo tumko gair likhen ya apna meet likhen
neele ambar ki angani mein taaron ke phool
mere payase honton par hain angaron ke phool
inn pholon ko aakhir apni haar ya jeet likhen
koi purana sapna de do aur kuch meethe bol
lekar hum nikle hain apni aankho ke kash-kol
hum banjaare preet ke maare kya sangeet likhen
sham khadi hai ek chameli ke pyale mein shabnam
zamuna ji ki ungali pakde khel raha hai madhuban
aise mein ganga jal se radha ki preet likhen
dil ke ujale kagaz par hum kaise geet likhen
No comments:
Post a Comment