na muradi ka ye aalam bhi toh ae dil na rahe
ab toh hum tarq-e-talluq ke bhi kabil na rahe
aaj ussne sharaf-e-hum_safari bakhsha tha
iss tarah se ke mujhe khahish-e-manzil na rahe
saamne tu ho toh so khahishen jaag uthh'ti hain
kaash ab ke meri aankhon mein mera dil na rahe
aur honge ke jo aaina sifat jeete hain
main toh marr jaaon agar koi muqabil na rahe
jo bhi ho saheb-e-mehfil yahi kehta hai 'faraz'
vo jo uth jaaye toh mehfil se toh mehfil na rahe
Subscribe to:
Post Comments (Atom)
No comments:
Post a Comment