hijr ki shab naala-e-dil voh sada dene lage
sun'ne wale raat katne ki dua dene lage
kis nazar se aap ne dekha dil-e-majrooh ko
zakhm jo kuch bhar chale thay phir hawa dene lage
juz zamin-e-kuu-e-jaana kuch nahin pesh-e-nigah
jis ka darwaza nazar aaya sada dene lage
baagbaan ne aag di jab aashiyaane ko mere
jinpe takiya tha vahi patte hawa dene lage
muthiyon mein khaak le kar dost aaye waqt-e-dafan
zindgi bhar ki mohbat ka sila dene lage
aaina ho jaaye mera ishq unnke husn ka
kya maza dard jab khud hi dawa dene lage
Subscribe to:
Post Comments (Atom)
No comments:
Post a Comment