akhtar ki shayyiri

duniya mein tere ishq ka charcha na karenge
marr jayenge lekin tujhe ruswa na karenge
qurban karenge kabhi dil, jaan bhi sadqe
tum apna bana logi toh kya kya na karenge
gustaakh nigahon se agar tumko gila hai
hum duur se bhi ab tumhen dekha na karenge
akhtar eh ghataein, yeh hawaein, yeh fizaein
tauba karen ? iss haal mein tauba na karenge

akhtar ki shayyiri

mohabbat ki duniya mein mashhuur kar dun
mere sada dil tujhko maghruur kar dun
tere dil ko milne kii khud aarzuu ho
tujhe iss qadar gham se ranjuur kar dun
mujhe zindagi duur rakhti hai tujhse
jo tu paas ho toh usse duur kar dun
mohabbat ke iqraar se sharm kab tak
kabhi saamna ho toh majbuur kar dun
ye be rangiyan kab tak ae husn-e-rangin
idhar aa, tujhe ishq mein chuur kar dun
tu gar saamne ho toh main bekhudii mein
sitaron ko sajde pe majbuur kar dun
nahin zindagi ko waffa varna 'akhtar'
mohabbat se duniya ko maamuur kar dun

akhtar ki shayyiri

tere firaq ke gham ne bacha liya sabse
mere qareeb koi ab bala nahi aati