gulshan ki bahaaron ne sar-e-aam likha hai
phir ussne gulabon se mera naam likha hai
behte huye paani pe ye lafzon ke sitare
shayad mere mehboob ne ye paigam likha hai
ye dard musalsal mere dil main rahega
kuchh soch kar ussne mera ananjaam likha hai
niindon ne kaha khvaab se ye haath milakar
kya aap ne mukaddar main kabhi araam likha hai
jis'ne kabhi meri jaanib mud kar nahi dekha
us shaks ke hathon main mera naam likha hai
raahi apni toh har raat guzarti hai safar main
aankhon kii zanjiiron pe ye paigaam likha hai
No comments:
Post a Comment