jo dard ke sehra mein akela bhi bohat hai
usske liye diwar ka saaya bhi bohat hai
dekha nahi tanhai mein tumne kabhi ussko
bichde huye logon ko vo roya bhi bohat hai
kuch tujhko muhbbat par yaqeen tha na waffa par
kuch dukh meri takdeer mein likha bhi bohat hai
beenai andheron se bhala kaise bachata
ek shaks tere hizr mein jaga bhi bohat hai
vo aur hain jo chuu ke tujhe dekhna chahen
mujhko toj mere khwab ki duniya bhi bohat hai
kirdaar se mehroom tha yeh shehr so ussne
humko dar-o-diwaar pe likha bhi bohat hai
No comments:
Post a Comment