vahi phir mujhe yaad aane lage hain
jinhen bhulane mein zamane lage hain
vo hain paas aur yaad aane lage hain
muhbbat ke hosh ab thikaane lage hain
suna hai hamen vo bhulane lage hain
toh kya ham unhen yaad aane lage hain
hataye thay jo raaste se doston ki
vo patthar mere ghar mein aane lage hain
ye kehana tha unnse muhbbat hai mujhko
ye kahane mein mujhko zamane lage hain
qayamat yaqinan qareeb aa rahi hai
'khumar' ab to masjid mein jane lage hain
No comments:
Post a Comment