unknown

gamza nahi hota ke ishara nahi hota
aankh unnse jo milti hai toh kya kya nahi hota
jalwa na ho ma'ani ka to surat ka asar kya
bulbul gul-e-tasveer ka sheeda nahi hota
allah bachaye marz-e-ishq se dil ko
sunte hain ke yeh aarza acha nahi hota
tashbeeh tere chehre ko kya dun gul-e-tar se
hota hai shagufta magar itna nahi hota
hum aah bhi karte hain toh ho jaate hain badnaam
woh qatl bhi karte hain toh charcha nahi hota