unknown

apni khatir jaage ho, soye ho
apni khatir hanse ho roye ho
kis liye aaj khoye khoye ho
tumne aansu bohat piye apne
tum bohat saal reh liye apne
ab mere sirf mere ho ke raho

husn hi husn ho zahanat ho
ishq hun main toh tum muhabat ho
tum meri bas meri amanat ho
jii liye jis qadar jiye apne
tum bohat saal reh liye apne
ab mere sirf mere ho ke raho

rehte ho ranj-o-gham ke gheron mein
dukh ke asaib ke baseron mein
tumko de dunga sab diye apne
tum bohat saal reh liye apne
ab mere sirf mere ho ke raho

tum azal se dukhon ke daire ho
chahe khudko ghamon se ghere ho
jabse paida huye ho mere ho
aaj kholenge lab siye apne
tum bohat saal reh liye apne
ab mere sirf mere ho ke raho

dil ki har baat dil se kehne do
meri baahon mein khudko behne do
muddaton zakhm khud sahe apne
tum bohat saal reh liye apne
ab mere sirf mere ho ke raho