unknown

mujhse mat puch ki kyun aankh jhuka li maine
teri tasveer thi jo tujhse chupa li maine
jis pe likha tha ki tu mere muqaddar mein nahi
apne maathe ki woh tehreer mita li maine
har janm sabko yahan sachha pyar kahan milta hai
teri chahat mein toh umar bita li maine
mujhko jaane kahan ehsaas mere le jaayen
waqt ke haathon se ek nazm utha li maine
ghere rehti hai mujhe ek anokhi khushbu
teri yaadon se har ek saans saja li maine
jiske sheron ko woh sunke bahut roya tha
bas wohi ek ghazal sabse chupa li maine