hazaar ahl-e-junoon halqaa-e-rasan mein rahe
magar khayal-e-parastaari-e-chaman mein rahe
tere khayal ke ehsaan rahenge yaad hamen
jis anjuman mein rahe teri anjuman mein rahe
gaya na qaid-e-qafas mein bhi baankpan apna
ussi tarah se rahe jis tarah chaman mein rahe
vo khaar jinse guzarte hain log bach bach kar
bahaar ban ke vohi mere pairhan mein rahe
tamam raat guzaari khayal-e-khuban mein
tamaam raat sitaron ki anjuman mein rahe
kuch iss tarah se raho rooh-e-gulistan ban kar
tumhare baad tumhari mehak chaman mein rahe
vo ikhtilaaf na ho maikashon mein ae shaqi
nayi shrab agar saghar-e-kuhan mein rahe
dar-e-jigar bhi mila aastana-e-taskeen bhi
'shamim' kyun na sarfaraz ahl-e-sukhan mein rahe
Subscribe to:
Post Comments (Atom)
No comments:
Post a Comment