thaan li ussne muh chipane ki, bach gayi aabru zamane ki
aa gayi raat tere jaane ki ab nahi subah muskurane ki
gaysu-e-yaar se jo ho ke gayi vo hawaen nahin ab aane ki
phut'ti poa bhi pa saki na adaa zere-lab tere muskarane ki
husn aaya nahi shabab par aur aankh padne lagi zamane ki
simat aayi hai usski aankhon mein saari masti sharabkhane ki
kehte ho dastane-aadam kya yeh toh tamheed hai fasaane ki
dil bhi seenon mein thehre thehre hain kuch khabar bhi hai usske aane ki
haye ! sholanavayian meri jal gayi shaakh aashiyane ki
kya hai aalm-e-rozgaar ae ! dost ek ada tere aazmane ki
uff yeh ehsaas-e-bekasi shabe-gham baat allagh hai tere na aane ki
kya kiya mere dosto ne mujhe ye mat pooch maine ki jisse baraha neki
jo mere dosto ne mujhse kiya ek haqiyaat hai bhool jaane ki
unn labo ne batai hai tarkeeb harf ko dastaan banane ki
kyun tere husn ne kasam khai ab ke bilkul na yaad aane ki
jaate-jaate har ek lamha-e-umar keh gaya daastan zamane ki
phir toh duniya ko bhool baitha hun der thi koi yaad aane ki
chott kha-kha ke guncha-e-gul ko hui toffek muskurane ki
dekh li teri dosti ae ! dost, dosti dekh li zamane ki
yaad-e-ayaam ranj-o-gham mein bhi thi ada tere yaad aane ki
tune shikhi hai yeh kahan se ada naaz se muh chupa ke jaane ki
teri mohum dosti ke liye dushmani maul li zamane ki
sai-e-aman-o-aman baza lekin kam nahi shoreshen zamane ki
ae ! "firaak" ab mushiyara hai shuru, der thi aap hi ke aane ki
Subscribe to:
Post Comments (Atom)
No comments:
Post a Comment