gaye mausam mein jo khilte thay gulanon ki tarha
dil pe utreinge wohi khwab azabon ki tarha
rakh ke dher pe ab raat basar karni hai
jal chuke hain mere kheme mere khwabon ki tarha
vo samandar hai toh phir roon ko shadab kare
tashnagi kyon mujhe deta hai sarabon ki tarha
Ghair mumkin hai tere ghar ke gulabon ka shumar
mere sarte huye zakhmon ke hisabon ki tarha
yaad toh hongi vo batein tujhe ab bhi lekin
shelf mein rakhi hui band kitabon ki tarha
kaun jaane ke naaye saal mein tu kis ko padhe
tera mayar badalta hai nisabon ki tarha
shosk ho jaati hai ab bhi teri ankhon ki chamak
gaahe gaahe, tere dilchasp jawabon ki tarha
hizr ki shab meri tanhai pe dastak degi
teri khushbu mere khoye huye khwabon ki tarha
Subscribe to:
Post Comments (Atom)
No comments:
Post a Comment