kuch toh hawa bhi sard thi kuch tha tera khayal bhi
dil ko khushi ke sath sath hota raha malal bhi
sab se nazar bacha ke vo mujhko kuch aise dekhte
ek daffa toh ruk gayi gardish-e-mah-o-sal bhi
ussko na pa sake thay jab dil ka ajeeb haal tha
ab jo palat ke dekhiye baat thi kuch muhaal bhi
meri talab tha ek shaks vo jo nahi mila toh phir
haath dua se yun gira bhul gaya sawal bhi
sham ki nasamajh hawa puch rahi hai ik pata
mauj-e-hawa-e-ku-e-yaar kuch toh mera khayal bhi
Subscribe to:
Post Comments (Atom)
No comments:
Post a Comment