talkhi-e-mai mein zara talkhi-e-dil bhi gholen
aur kuch der yahan baith ke pii len ro len
har taraf ek pur_asaraar[full of secrets] si khamoshi hai
apne saaye se koi baat karen kuch bolen
koi toh shaks ho jii jaan se chahen jisko
koi toh jaan-e-tasavvur ho ke jis ke ho len
aah ye dil ki kasak haaye ye aankhon ki jalan
niind aa jaaye agar aaj toh ham bhi so len
Subscribe to:
Post Comments (Atom)
No comments:
Post a Comment