kai marhale[destinations] aur sar[overcome] karne hain
abhi toh bohat se safar karne hain
badi[sin] aur neki yaqeen aur shaq
hain jitne bhi aib-o-hunar karne hain
hatheli pe rakhte hain apna kafan
jinhen apna jivan amar karne hain
sitam hai ki duniya ke kitne hi kaam
zaruuri nahin hain magar karne hain
karoge kabhi tark bhi taak-jhaank
ki ye silsile umar bhar karne hain
bohat sakht mausham hai lekin 'shaoor'
kisi taur ye din basar karne hain
Subscribe to:
Post Comments (Atom)
No comments:
Post a Comment