kisi ki ankh jo purnam nahi hai
na samajho ye ke ussko gham nahi hai
sawad-e-dard mein tanha khada hun
palat jaaun magar mausam nahi hai
samajh mein kuch nahi ata kisi ke
agarche guftagu mubham nahi hai
sulagta kyun nahi tarik jangal
talab ki lau agar maddham nahi hai
ye basti hai sitam parvar_digan ki
yaha koi kisi se kam nahi hai
kinara dusara dariya ka jaise
vo sathi hai magar mahram nahi hai
dilon ki raushani bujhne na dena
wajud-e-tiragi mahkam nahi hai
main tum ko chah kar pachta raha hun
koi is zakhm ka marham nahi hai
jo koi sun sake 'amjad' toh suna dena
ba-juz ek baz gasht-e-gham nahi hai
Subscribe to:
Post Comments (Atom)
No comments:
Post a Comment