aankhon mein bas ke dil mein sama kar chale gaye
Khwabida zindagi thi jaga kar chale gaye
chehre tak aastin vo la kar chale gaye
kya raaz tha ki jisko chhipakar chale gaye
rag-rag mein iss tarah vo sama kar chale gaye
jaise mujh hi ko mujhse churakar chale gaye
aaye thay dil ki pyaas bujhane ke vaste
ik aag si vo aur laga kar chale gaye
lab thar-thara ke reh gaye lekin vo ae 'jigar'
jaate huye nigah mila kar chale gaye
Subscribe to:
Post Comments (Atom)
No comments:
Post a Comment