unknown

ab khushi hai na koi dard rulane wala
humne apna liya har rang zamane wala
har be-chehra si ummid hai chehra chehra
jis taraf dekhiye aane ko hai aane wala
ussko rukhsat toh kiya tha mujhe mallum na tha
sara ghar le gaya ghar chhod ke jaane wala
duur ke chaand ko dhundho na kisi aanchal mein
ye ujala nahi aangan mein samane wala
ik mussafir ke safar jaisi hai sab ki duniya
koi jaldi mein koi der se jaane wala