unknown

bikhar rahi hai meri zaat ... usse keh dena ...
Kahin mile vo toh ye baat..
usse keh dena !

usse kehna ke bina usske din nahi kat'ta
sisak ke kat'ti hai har raat ...
usse keh dena !

woh saath tha toh zamana tha humsafar mera..
magar ab koi nahi saath
usse keh dena !

woh jisko sun ke palat aaye meri duniya mein,
hawaao.... aisi koi baat
usse keh dena !

agar woh phir bhi na loute ,toh mehrbaan qasid ...
hamaari zist ke halaat ..
usse keh dena !

har ek jeet usske naam kar rahi hun main
main manti hun apni maat...
usse keh dena !

usse pukaaron yaa khud puhanch jaaon usske paas..
rahe hain bas mein kab halaat
usse keh dena !

baras baras ke nigahen bhi ho gayin pathar
padi hai gham ki ajab raat ..
usse keh dena !


vo saath tha toh ..zamana tha humsafar mera
hain ab toh khaali mere haath ...