unknown

jab bhi aankhon mein nami mehsoos hoti hai
bhari bazm mein teri kami mehsoos hoti hai
udas sham ki dehleez par sar jhukaye aaj bhi
dar-e-yaar par nigah jami mehsoos hoti hai
mehfil-e-agiyaar mein zikr tera jab bhi ho jaaye
mujhe kyun nabz-e-dil thami mehsoos hoti hai
izterar bhare khush kaun lamhat mein jaane kyun
dil ko ik bekali aur ghami mehsoos hoti hai
dard ke sard khane mein hain munjamid saansen
aur har jazbe par bhi barf zami mehsoos hoti hai
dayar-e-hizr ke be_darr-o-diwaar zandan mein 'shaz'
tumhari yaad bhi ab toh sehmi mehsoos hoti hai