bewaffa tere rooth jaane se
aankh milti nahin zamane se
aariza ho gaya hai rone ka
chand ghadiyon ke muskurane se
kitne tufan uthenge sahil par
ek kashti ke doob jaane se
dhoondh aaya tujhe zamane mein
tum kahan guum ho ek zamane se
ab toh duniya se ja raha hun main
laut aao issi bahane se
kis qadar badh gayi hai lazzat-e-gham
shiddat-e-gham mein muskurane se
daar hi ko gale lagao 'shammim'
maut behtar hai sar jhukane se
Subscribe to:
Post Comments (Atom)
No comments:
Post a Comment