dil dhadkane ka sabab yaad aaya
vo teri yaad thi ab yaad aaya
aaj mushkil tha sambhalna .... ae dost
tu museebat mein azab yaad aaya
haal-e-dil hum bhi sunate lekin
jab vo rukhsat huye, tab yaad aaya
din guzara tha badi mushkil se
phir tera vaada-e-shab yaad aaya
baith kar saaya-e-gul mein 'nasir'
hum bohat roye, vo jab yaad aaya
phir kai log nazar se guzre
phir koi shehr-e-tarab yaad aaya
Subscribe to:
Post Comments (Atom)
No comments:
Post a Comment