daayam pada hua tere dar par nahi hoon mein
khaak aisi zindgi pe ke pathar nahi hoon mein
kyun gardish-e-mudaam se ghabra na jaaye dil
insaan hoon, pyaala-o-saaghar nahi hoon mein
yaa rab ! zamana mujhko mitata hai kis liye
lauh-e-jahaan pe harf-e-mukarrar nahi hoon mein
hadh chahiye saza mein uqoobat ke vaste
aakhir gunaahgaar hoon, kaafir nahi hoon mein
'ghalib' wazifaa-khwar ho, do shah ko dua
vo din gaye ki kehte thay naukar nahi hoon mein
Subscribe to:
Post Comments (Atom)
No comments:
Post a Comment