na sawal sood-0-ziyan ka kar, hai vo kya jo mujhko mila nahi
mere hamsafar tu yaqeen kar mujhe tujhse koi gila nahi
meri jaan na koi fikar kar, mujhe manzilon ki talab nahi
hun vo rehguzar jo ujaad hai, kabhi jis pe koi chala nahi
kabhi raaste, kabhi manzilein, kabhi dooriyan, kabhi qurbatein
hai rah-e-hayyat ke silsile, teri is mein koi khata nahi
ke hara rahe tera nakhl-e-jaa'n, tere har kadam pe bahaar ho
yehi vird hai mera raat din, mere lab pe koi dua nahi
hain tere karam ki hi baarishein, jo sada rahi mere haal pe
karoon tujhse koi gila kabhi, ye muhabbaton ka sila nahi