charag apane thakan ki koi safaai na de
vo tiiragi hai ke ab khwab tak dhikhaai na de
bahut sataate hain rishte jo toot jaate hain
khudaa kisi ko bhi taufiiq-e-aashanaai na de
main saari umar andheron me kaat sakta hoon
mere diyon ko magar raushani paraai na de
agar yahi teri duniyaa ka haal hai maalik
to meri qaid bhali hai mujhe rihaai na de
dua ye maangi hai sahame huye mu'arrik ne
ke ab qalam ho Khudaa surkh raushnaai na de